Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլայի գործակալ Խոսեպ Մարիա Օրոբիտգը խոսել է 48-ամյա մասնագետի՝ «Բավարիա» հնարավոր վերադարձի մասին:
«Գվարդիոլայի պայմանագիրը «Մանչեսթեր Սիթիի» հետ նախատեսված է մինչև 2021 թվականը, և Խոսեպն իրեն շատ երջանիկ է զգում անգլիական ակումբում:
Գվարդիոլայի՝ «Բավարիա» վերադառնալու մասին գրում է միայն մամուլը: Մենք որևէ առաջարկ չենք ստացել»,- Օրոբիտգի խոսքը փոխանցում է Goal.com-ը:
Ավելի վաղ գերմանական ԶԼՄ-ները հաղորդում էին, որ «Բավարիայի» ղեկավարությունը դիտարկում է Խոսեպ Գվարդիոլայի հետ պայմանագիր կնքելու հնարավորությունը:
Հիշեցնենք, որ Գվարդիոլան «Բավարիայի» գլխավոր մարզիչի պաշտոնը զբաղեցրել է 2013-2016 թվականներին:
Հետևեք NEWS.am SPORT-ին Facebook-ում, Twitter և Telegram-ում