Մադրիդի «Ռեալի» կիսապաշտպան Խամես Ռոդրիգեսը Կոլումբիայի հավաքականի կազմում անցկացրած մարզումներից մեկի ընթացքում ստացած վնասվածքի պատճառով այս տարի այլևս չի կարողանա խաղադաշտ դուրս գալ, տեղեկացնում է Արքայական ակումբի պաշտոնական կայքը:
28-ամյա կիսապաշտպանը ստացել է ծնկի վնասվածք, որի ապաքինման համար կպահանջվի նվազագույնը 6 շաբաթ:
Հիշեցնենք, որ Խամես Ռոդրիգեսը նախորդ երկու մրցաշրջանը Մյունխենի «Բավարիայում» վարձակալությամբ անցկացնելուց հետո վերադարձել է Արքայական ակումբ։
Իսպանիայի ընթացիկ առաջնությունում կոլումբացի կիսապաշտպանը մասնակցել է 7 հանդիպման, խփել 1 գոլ, կատարել 1 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում