Մադրիդի «Ռեալի» և Իսպանիայի ազգային հավաքականի կենտրոնական պաշտպան Սերխիո Ռամոսը դժգոհ է կատալոնական «Բարսելոնայի» դեմ հանդիպման օրվա ընտրությունից:
«Սուպերկլասիկոյին «Բարսելոնան» ավելի լավ վիճակում է մոտենալու, քան «Ռեալը»: Մենք 1 օր քիչ ժամանակ ենք ունենալու հանգստանալու համար:
Այնուամենայնիվ, մենք խաղալու ենք միայն ու միայն հաղթանակի համար: Միավորների կորուստն անթույլատրելի է «Ռեալի» համար»,- Ռամոսի խոսքը փոխանցում է AS-ը:
Հիշեցնենք, որ «Բարսելոնա» - «Ռեալ Մադրիդ» հանդիպումը տեղի է ունենալու դեկտեմբերի 18-ին:
Հետևեք NEWS.am SPORT-ին Facebook-ում, Twitter և Telegram-ում