Սուարես. Գիտեմ, որ «Բարսելոնան» ինձ փոխարինող է փնտրում

Կատալոնական «Բարսելոնայի» ուրուգվայցի հարձակվող Լուիս Սուարեսը հաստատել է, որ Իսպանիայի չեմպիոնի ղեկավարությունը ցանկանում է նոր կենտրոնական հարձակվող ձեռք բերել:

«Զարմացած չեմ, որ «Բարսելոնան» ցանկանում է փոխարինող գտնել ինձ: Ես միշտ ասել եմ, որ գալու է մի պահ, երբ իմ տարիքն ինձ թույլ չի տալու օգտակար լինել ակումբին:

«Բարսելոնայում» խաղալը շատ բարդ է: Այս ակումբում նույնիսկ փոքր սխալ գործելը կարող է շատ լուրջ հետևանքներ ունենալ: 

Այնուամենայնիվ, ցանկանում եմ որքան հնարավոր է երկար մնալ «Բարսելոնայու» և օգնել այս թիմին գավաթներ նվաճել»,- Սուարեսի խոսքը փոխանցում է Mundo Deportivo:

Ընթացիկ մրցաշրջանում 32-ամյա հարձակվողը «Բարսելոնայի» կազմում մասնակցել է 13 հանդիպման՝ դառնալով 8 գոլի հեղինակ:

Հիշեցնենք, որ Լուիս Սուարեսը «Բարսելոնա» է տեղափոխվել 2014 թվականի ամռանը: 

Հետևեք NEWS.am SPORT-ին Facebook-ում, Twitter և Telegram-ում