Մադրիդի «Ռեալի» բրազիլացի հարձակվող Ռոդրիգոն ճանաչվել է Չեմպիոնների լիգայի խմբային մրցաշարի չորրորդ տուրի լավագույն խաղացող, հաղորդում է ՈւԵՖԱ-ի մամուլի ծառայությունը։
Քվեարկությունում նա հետ է թողել Դորտմունդի «Բորուսիայի» պաշտպան Աշրաֆ Հակիմիին, Փարիզի ՊՍԺ-ի դարպասապահ Կեյլոր Նավասին եւ Լոնդոնի «Տոտենհեմի» կիսապաշտպան Սոն Հին Մինին։
18-ամյա Ռոդրիգոն հեթ-տրիկի հեղինակ էր դարձել թուրքական «Գալաթասարայի» դեմ խաղում։ «Ռեալն» առավելության էր հասել 6։0 հաշվով։
Հետևեք NEWS.am SPORT-ին Facebook-ում, Twitter և Telegram-ում