21:04  ,  1 նոյեմբերի, 2019

ԵԱ. Կանանց Հայաստանի հավաքականը ոչ ոքի խաղաց Ռուսաստանի հետ

Բաթումիում ընթացող շախմատի Եվրոպայի թիմային առաջնության նախավերջին տուրում կանանց Հայաստանի հավաքականը մրցեց Ռուսաստանի թիմի հետ:

Հայաստանի հավաքականը 2:2 հաշվով ոչ ոքի խաղաց Ռուսաստանի թիմի հետ: Սիրանուշ Ղուկասյանը պարտություն կրեց, Լիլիթ Մկրտչյանն ու Էլինա Դանիելյանը ոչ ոքի խաղացին:

Չորրորդ խաղատախտակին սենսացիոն հաղթանակ տարավ կանանց ՖԻԴԵ-ի վարպետ Աննա Սարգսյանը (2242), որի մրցակիցը Եվրոպայի անհատական առաջնությունների եռակի չեմպիոն, Համաշխարհային օլիմպիադաների եռակի հաղթող, գրոսմայստեր Վալենտինա Գունինան (2509) էր։ Աննա Սարգսյանը սեւ ֆիգուրներով առավելության հասավ 34 քայլում։

Կանանց Հայաստանի հավաքականն այժմ 11 միավորով մրցաշարային աղյուսակի չորրորդ տեղում է:

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English