Մյունխենի «Բավարիայի» բրազիլացի կիսապաշտպան Ֆիլիպե Կոուտինյոն, որի իրավունքները պատկանում են կատալոնական «Բարսելոնային», ընթացիկ մրցաշրջանից հետո հնարավոր է՝ տեղափոխվի Անգլիայի առաջնություն:
«Բարսելոնայի» ղեկավարությունը կարծում է, որ Կոուտինյոյի բարձր հրաժարագնի պատճառով «Բավարիան» կհրաժարվի 27-ամյա կիսապաշտպանին ձեռք բերելու մտադրությունից: Կատալոնական ակումբի ղեկավարությունը բանակցություններ է վարում անգլիական մի քանի թիմերի հետ, որոնց անունները չեն հաղորդվում:
Կոուտինյոն անգլիական «Լիվերպուլում» հանդես է եկել 2013-2018 թվականներին:
Ընթացիկ մրցաշրջանում բրազիլացի կիսապաշտպանը «Բավարիայի» կազմում մասնակցել է 8 հանդիպման՝ դառնալով 2 գոլի և 3 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում