Կատալոնական «Բարսելոնայի» և Խորվաթիայի ազգային հավաքականի կիսապաշտպան Իվան Ռակիտիչը հրաժարվել է տեղափոխվել անգլիական «Մանչեսթեր Յունայթեդ», հաղորդում է Calciomercato-ն:
«Բարսելոնայի» ղեկավարությունը պատրաստ է եղել բանակցություններ վարել «Մանչեսթեր Յունայթեդի» հետ, սակայն Ռակիտիչը նույնիսկ չի քննարկել մանչեսթերյան ակումբի առաջարկը:
Ռակիտիչը, որը վերջերս հայտարարել էր «Բարսելոնայից» հեռանալու մտադրության մասին, ցանկանում է տեղափոխվել Չեմպիոնների լիգայում հանդես եկող որևէ ակումբ:
Հիշեցնենք, որ ընթացիկ մրցաշրջանում խորվաթ կիսապաշտպանը «Բարսելոնայի» կազմում մասնակցել է 6 հանդիպման՝ հիմնականում դուրս գալով փոխարինման:
Հետևեք NEWS.am SPORT-ին Facebook-ում, Twitter և Telegram-ում