Շումախերի մենեջերը վստահ է, որ Շումախերի որդին մեծ հաջողությունների կհասնի Ֆորմուլա-1-ում

Ֆորմուլա-1-ի յոթակի չեմպիոն Միխայել Շումախերի մենեջեր Սաբին Կեմն անդրադարձել է Շումախերի որդու՝ Միկ Շումախերի մրցելույթներին:

«Միկը հրաշալի ավտոարշավորդ է: Նա վաղ թե ուշ հայտնվելու է Ֆորմուլա-1-ում և մեծ հաջողությունների է հասնելու: Ես վստահ եմ դրանում: Միկին մեծ ապագա է սպասվում»,- GrandPX.news-ի հաղորդմամբ՝ ասել է Կեմը:

Նշենք, որ Միկ Շումախերը 2018 թվականին դարձել է Եվրոպայի Ֆորմուլա-3-ի չեմպիոն: 2019 թվականից 20-ամյա ավտոարշավորդը հանդես է գալիս Ֆորմուլա-2-ում:

Հիշեցնենք, որ սեպտեմբերն Միխայել Շումախերը գիտակցության է եկել: Ավտոարշավորդն այլևս անկողնային վիճակում չէ և չի ստանում արհեստական շնչառություն:

Հետևեք NEWS.am SPORT-ին Facebook-ում, Twitter և Telegram-ում