17:52  ,  17 հոկտեմբերի, 2019

«Բարսելոնան» հրաժարվել է փոխել «Ռեալի» հետ հանդիպման օրը

Կատալոնական «Բարսելոնայի» ղեկավարությունը հրաժարվել է փոխել Իսպանիայի առաջնության 10-րդ տուրի՝ Մադրիդի «Ռեալի» հետ հանդիպման օրը, հաղորդում է Sport.es-ը:

Իսպանիայի չեմպիոնի ներկայացուցիչները հոկտեմբերի 17-ին քննարկումներ են ունեցել Իսպանիայի ֆուտբոլի ֆեդերացիայի ղեկավարության հետ և երաշխավորել են, որ Կատալոնիայում տեղի ունեցող ցույցերն իրենց ազդեցությունը չեն ունենա Սուպերկլասիկոյի վրա:

Ավելի վաղ հաղորդվում էր, որ «Բարսելոնա» - «Ռեալ Մադրիդ» հանդիպումը կարող է տեղի ունենալ դեկտեմբերի 18-ին: Այժմ հանդիպումը նախատեսված է անցկացնել հոկտեմբերի 26-ին:

Հիշեցնենք, որ «Ռեալը» 18 միավորով գլխավորում է մրցաշարային աղյուսակը: «Բարսելոնան» 16 միավորով երկրորդն է:

Հետևեք NEWS.am SPORT-ին Facebook-ում, Twitter և Telegram-ում