Թուրինի «Յուվենտուսի» 41-ամյա դարպասապահ Ջանլուիջի Բուֆոնը մտադիր է մի քանի տարի ևս անցկացնել ֆուտբոլում, հայտարարել է դարպասապահի գործակալ Սիլվանո Մարտինան:
«Բուֆոնը ճիշտ որոշում ընդունեց՝ վերադառնալով «Յուվենտուս»: Նա շատ լավ մարզավիճակում է և պատրաստ է պայքարել մեկնարկային կազմում հայտնվելու համար:
Բուֆոնը մտադիր չէ ավարտել կարիերան: Կարծում եմ՝ նա կխաղա մինչև 44 տարեկանը»,- Մարտինայի խոսքը փոխանցում է Football Italia-ն:
Նշենք, որ ընթացիկ մրցաշրջանում Բուֆոնը «Յուվենտուսի» կազմում մասնակցել է 2 հանդիպման:
Հետևեք NEWS.am SPORT-ին Facebook-ում, Twitter և Telegram-ում