Կատալոնական «Բարսելոնայի» և Խորվաթիայի ազգային հավաքականի կիսապաշտպան Իվան Ռակիտիչը ձմեռային տրանսֆերային պատուհանի ընթացքում, ամենայն հավանականությամբ, կհեռանա «Բարսելոնայից», հայտնում է Marca-ն:
31-ամյա կիսապաշտպանի տեղափոխությամբ հետաքրքրված են անգլիական «Մանչեսթեր Յունայթեդը» և իտալական «Միլանը»:
Թուրինի «Յուվենտուսը», որն ամռանը ցանկանում էր պայմանագիր կնքել Ռակիտիչի հետ, հրաժարվել է խորվաթ կիսապաշտպանին ձեռք բերելու մտադրությունից:
Հիշեցնենք, որ Ռակիտիչը կորցրել է տեղը «Բարսելոնայի» մեկնարկային կազմում: Ընթացիկ մրցաշրջանում 31-ամյա կիսապաշտպանն Իսպանիայի չեմպիոնի կազմում մասնակցել է 6 հանդիպման՝ հիմնականում դուրս գալով փոխարինման:
Հետևեք NEWS.am SPORT-ին Facebook-ում, Twitter և Telegram-ում