18:12  ,  14 հոկտեմբերի, 2019

«Չելսին» անդրադարձել է հոկեյում Չեխի նորամուտին

Լոնդոնի «Չելսին» մեկնաբանել է ակումբի նախկին դարպասապահ Պետր Չեխի նորամուտը տախօղակով հոկեյում:

«Մեր նախկին դարպասապահը մի քանի դրվագում հրաշալի գործեց՝ փրկելով իր թիմին: Չեխը ճանաչվեց հանդիպման լավագույն հոկեյիստ, ինչն, իհարկե, հիշարժան կդարձնի նրա նորամուտը: Շնորհավորում ենք Չեխին և ամենայն բարին մաղթում հետագա կարիերայում»,- ասված է «Չելսիի» պաշտոնական կայքի տարածած հաղորդագրության մեջ:

Լոնդոնի «Չելսիի» և «Արսենալի» նախկին դարպասապահը մինչև մրցաշրջանի ավարտը հանդես կգա անգլիական «Գիլդֆորդ Ֆենիքս» թիմում։

Անգլիական երկրորդ ազգային լիգայի խաղում «Գիլդֆորդ Ֆենիքսը» հաղթել է հետխաղյա բուլիտներով։ 37-ամյա Չեխը հետ է մղել երկու հարված և ճանաչվել է հանդիպման լավագույն խաղացող։

Հետևեք NEWS.am SPORT-ին Facebook-ում, Twitter և Telegram-ում