20:34  ,  12 հոկտեմբերի, 2019

Արթուր Վանեցյանը Վադուցում ներկա կլինի Հայաստանի հավաքականի խաղին

Հայաստանի ֆուտբոլի ֆեդերացիայի նախագահ Արթուր Վանեցյանը ժամանել է Լիխտենշտյենի մայրաքաղաք Վադուց եւ առաջին անգամ այդ պաշտոնում ներկա կլինի Հայաստանի ազգային հավաքականի արտագնա խաղին։

Եվրո-2020-ի ընտրական մրցաշարի 7-րդ տուրում Արմեն Գյուլբուդաղյանցի գլխավորած թիմը կհյուրընկալվի Լիխտենշտեյնի հավաքականին։ Հանդիպումը կմեկնարկի Երեւանի ժամանակով 22։45-ին։

NEWS.am Sport-ը ներկայացնում է Հայաստանի հավաքականի հավանական մեկնարկային կազմը․

Արամ Հայրապետյան, Ժոաո Ժորդի Մոնրո Արարատ, Անդրե Կալիսիր, Վարազդատ Հարոյան, Հովհաննես Համբարձումյան, Ռումյան Հովսեփյան, Մարկոս Պիզելի, Սարգիս Ադամյան, Տիգրան Բարսեղյան, Գևորգ Ղազարյան, Ալեքսանդր Կարապետյան։

Նշենք, որ եթե Հայաստանի թիմը հաղթի, ապա ռեկորդ կսահմանի։ Ընտրական մրցաշարերում ազգային հավաքականը 7 խաղից հետո երբեւէ չի ունեցել 12 միավոր։

Սամվել Սուքիասյան՝ Վադուցից  (Լիխտենշտեյն)

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով