Իտալական «Սամպդորիան» գլխավոր մարզիչի պաշտոնում նշանակեց Կլաուդիո Ռանիերիին։ 67-ամյա իտալացի մասնագետի պայմանագիրը նախատեսված է մինչեւ 2021թ․ հունիս։
Այս մրցաշրջանում Ռանիերին կստանա 1 միլիոն եվրո աշխատավարձ, նաեւ բոնուս, եթե թիմը պահպանի տեղի Ա Սերիայում։
Ռանիերիի նախորդ ակումբը «Ռոման» էր, որը նա լքել էր անցած մրցաշրջանի ավարտից հետո։
Իտալիայի առաջնության 7 տուրից հետո «Սամպդորիան» 3 միավորով եզրափակում է մրցաշարային աղյուսակը։
Ռանիերին նախկինում գլխավորել է «Կալյարին», «Նապոլին», «Ֆիորենտինան», «Վալենսիան», Մադրիդի «Աթլետիկոն», «Չելսին», «Պարման», «Յուվենտուսը», «Ռոման», «Ինտերը», «Մոնակոն», Հունաստանի հավաքականը, «Լեսթեր Սիթին», «Նանտը», «Ֆուլհեմը»։ 2016-ին «Լեսթերի» հետ նվաճել է Անգլիայի չեմպիոնի տիտղոսը։
Հետևեք NEWS.am SPORT-ին Facebook-ում, Twitter և Telegram-ում