Իտալական «Միլանի» նորանշանակ գլխավոր մարզիչ Ստեֆանո Պիոլին ցանկանում է, որ ձմեռային տրանսֆերային պատուհանի ընթացքում իր գլխավորած թիմի կազմը համալրեն «Տոտենհեմի» ֆուտբոլիստներ Սերժ Օրյեն և Էրիկ Դայերը:
Calciomercato-ի հաղորդմամբ՝ Պիոլին «Միլանի» ղեկավարությանը հայտնել է, որ միայն Օրյեի և Դայերի տեղափոխության շնորհիվ կկարողանա կտրուկ փոփոխություն մտցնել «Միլանի» խաղի մեջ:
Ավելի վաղ հայտնի էր դարձել, որ Պիոլին չի ցանկանում շարունակել աշխատանքը շվեյցարացի պաշտպան Ռիկարդո Ռոդրիգեսի հետ:
Հիշեցնենք, որ Պիոլիի պայմանագիրը «Միլանի» հետ նախատեսված կլինի մինչև ընթացիկ մրցաշրջանի ավարտը:
Հետևեք NEWS.am SPORT-ին Facebook-ում, Twitter և Telegram-ում