Իտալական «Միլանի» նորանշանակ գլխավոր մարզիչ Ստեֆանո Պիոլին ակումբի գլխավոր մարզիչի պաշտոնում նշանակվելուց հետո հայտարարել է, որ անհամբերությամբ է սպասում իտալական թիմի հետ աշխատանքի մեկնարկին:
«Շատ ուրախ եմ, որ հնարավորություն ստացա գլխավորել «Միլանը»: Անհամբերությամբ սպասում եմ թիմի հետ աշխատանքի մեկնարկին:
Վստահ եմ, որ «Միլանը» դուրս է գալու այս իրավիճակից և մեծ հաջողությունների է հասնելու»,- Պիոլիի խոսքը փոխանցում է «Միլանի» պաշտոնական կայքը:
Պիոլին հոկտեմբերի 9-ին առաջին մարզումը կանցկացնի որպես թիմի գլխավոր մարզիչ: Մարզմանը կմասնակցեն ազգային հավաքականներ չհրավիրված ֆուտբոլիստները:
Հետևեք NEWS.am SPORT-ին Facebook-ում, Twitter և Telegram-ում