Բեյլի գործակալը նոր ակումբ է փնտրում ֆուտբոլիստի համար

Մադրիդի «Ռեալի» և Ուելսի ազգային հավաքականի կիսապաշտպան Գարեթ Բեյլը ցանկանում է ձմեռային տրանսֆերային պատուհանի ընթացքում հեռանալ Արքայական ակումբից:

El Mundo Deportivo-ի հաղորդմամբ՝ Բեյլի գործակալ Ջոնաթան Բարնետը սկսել է նոր ակումբ փնտրել իր հաճախորդի համար: Բարնետն առաջիկայում բանակցություններ կսկսի Չինաստանի առաջնությունը ներկայացնող թիմերի հետ:

Ավելի վաղ տեղեկացրել ենք, որ Բեյլի և «Ռեալի» գլխավոր մարզիչ Զինեդին Զիդանի հարաբերությունները լարվել են այն բանից հետո, երբ ֆրանսիացի մասնագետը Բեյլին չէր ընդգրկել Չեմպիոնների լիգայի խմբային փուլի երկրորդ տուրի՝ «Բրյուգեի» հետ հանդիպման հայտացուցակում:

Հիշեցնենք, որ Բեյլը «Ռեալ» է տեղափոխվել 2013 թվականին՝ անգլիական «Տոտենհեմից»:

Հետևեք NEWS.am SPORT-ին Facebook-ում, Twitter և Telegram-ում