15:51  +04,  9 հոկտեմբերի, 2019

Իբրահիմովիչ․ Կցանկանայի դարձյալ խաղալ Իտալիայում

Ամերիկյան «Լոս Անջելես Գելաքսիի» 38-ամյա շվեդ հարձակվող Զլատան Իբրահիմովիչը չի բացառել, որ դարձյալ հանդես կգա Եվրոպայում։

«Ես կցանկանայի դարձյալ խաղալ Իտալիայում։ Ես գիտեմ, որ դեռ կարող եմ արդյունքների հասնել Իտալիայում, այլ երկրում։ Այժմ այնտեղ հանդես եկող բազմաթիվ ֆուտբոլիստներից լավ կխաղայի։ Իմ պայմանագիրն ավարտվում է դեկտեմբերին եւ չգիտեմ՝ ինչ տեղի կունենա հետո»,- Իբրահիմովիչի խոսքը մեջբերում է Daily Mail-ը։

«Լոս Անջելես Գելաքսիում» Իբրահիմովիչը մասնակցել է 46 հանդիպման, խփել 35 գոլ։

Իբրահիմովիչն այժմ Շվեդիայի Մալմյո քաղաքում է, որտեղ բացվել է նրա արձանը։ «Մալյոն» Զլատանի առաջին պրոֆեսիոնալ ակումբն է։ Կարիերայի ընթացքում նա հանդես է եկել նաեւ Ամստերդամի «Այաքսում», Թուրինի «Յուվենտուսում», Միլանի «Ինտերում», կատալոնական «Բարսելոնայում», Փարիզի ՊՍԺ-ում եւ անգլիական «Մանչեսթեր Յունայթեդում»։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: