14:20  +04,  9 հոկտեմբերի, 2019

«Միլանը» Պիոլիին նշանակեց գլխավոր մարզիչի պաշտոնում

«Ֆիորենտինայի» նախկին գլխավոր մարզիչ Ստեֆանո Պիոլին նշանակվել է «Միլանի» գլխավոր մարզիչի պաշտոնում, հայտնում է ակումբի պաշտոնական կայքը:

Պիոլիի պայմանագիրը «Միլանի» հետ նախատեսված կլինի մինչև ընթացիկ մրցաշրջանի ավարտը՝ 1 միլիոն եվրո աշխատավարձով: Եթե մրցաշրջանի ավարտից հետո «Միլանի» ղեկավարությունը ցանկանա շարունակել աշխատանքը Պիոլիի հետ, 53-ամյա մասնագետի աշխատավարձը կկազմի 1.5 միլիոն եվրո:

Պիոլին հոկտեմբերի 9-ին առաջին մարզումը կանցկացնի որպես թիմի գլխավոր մարզիչ: Մարզմանը կմասնակցեն ազգային հավաքականներ չհրավիրված ֆուտբոլիստները:

Պիոլին մարզչական կարիերան սկսել է 2003 թվականին: 2016-2017 թվականներին Պիոլին զբաղեցրել է «Ինտերի» գլխավոր մարզիչի պաշտոնը, իսկ 2017-2019 թվականներին գլխավորել է «Ֆիորենտինան»:

Ավելի վաղ հայտնել էինք, որ «Միլանը» պաշտոնանկ է արել թիմի գլխավոր մարզիչ Մարկո Ջամպաոլոյին

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով