ՉԼ․ Երկրորդ տուրի լավագույն ֆուտբոլիստների քառյակը

Ֆուտբոլի եվրոպական Չեմպիոնների լիգայի խմբային մրցաշարի երկրորդ տուրի լավագույն ֆուտբոլիստի ընտրության քվեարկությունը մեկնարկել է ՈւԵՖԱ-ի պաշտոնական կայքում։

Լավագույն քառյակում են Գերմանիայի չեմպիոն Մյունխենի «Բավարիայի» կիսապաշտպան Սերժ Գնաբրին, որը չորս գոլ է խփել Լոնդոնի «Տոտենհեմին» (7։2), Իսպանիայի չեմպիոն «Բարսելոնայի» հարձակվող Լուիս Սուարեսը, որը դուբլի հեղինակ է դարձել Միլանի «Ինտերի» դեմ խաղում (2։1), «Բրյուգեի» հարձակվող Դենիս Բոնավենտուրեն, որի դուբլի շնորհիվ բելգիական թիմը 2։2 հաշվով է ավարտել հանդիպումը Մադրիդի «Ռեալի» հետ, Դորտմունդի «Բորուսիայի» պաշտպան Աշրաֆ Հակիմին, որը նույնպես խփել է երկու գոլ, գերմանական թիմը 2։0 հաշվով հաղթել է չեխական «Սլավիային»։

Հետևեք NEWS.am SPORT-ին Facebook-ում, Twitter և Telegram-ում