00:12  +04,  29 սեպտեմբերի, 2019

Աշխարհի գավաթ․ Եզրափակիչում՝ Դին Լիրեն - Թեյմուր Ռաջաբով

Ռուսաստանի Խանտի Մանսիյսկ քաղաքում անցկացվող շախմատի աշխարհի գավաթի խաղարկությունում հաղթողի կոչումը կվիճարկեն չինացի Դին Լիրենը եւ ադրբեջանցի Թեյմուր Ռաջաբովը։

Կիսաեզրափակիչում Դին Լիրենը թայ-բրեյքում պարտության է մատնել չինացի Յանջի Յուին։ Երկու հիմնական պարտիաներում ոչ ոքիներից հետո թայ-բրեյքում Դին Լիրենը հաղթել է 1,5 ։ 0,5 հաշվով։

Ռաջաբովը երկու հիմնական պարտիաների արդյունքում 1,5 ։ 0,5 հաշվով առավելության է հասել ֆրանսիացի Մաքսիմ Վաշյե-Լագրավի նկատմամբ, որը պայքարից դուրս էր թողել Հայաստանի հավաքականի առաջատար Լեւոն Արոնյանին։

Յանջի Յուն եւ Մաքսիմ Վաշյե-Լագրավը կպայքարեն երրորդ տեղի համար։

Մրցաշարի մրցանակային հիմնադրամը 1,6 միլիոն դոլար է։ Գավաթակիրը կստանա 110 հազար դոլար։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: