Անգլիական «Լիվերպուլի» դարպասապահ Ալիսոն Բեքերը շուտով խաղադաշտ կվերադառնա, տեղեկացրել է ակումբի գլխավոր մարզիչ Յուրգեն Կլոպը:
«Ալիսոնը վնասվածք ստանալուց հետո առաջին մարզումն է անցկացրել: Նա չի մարզվել ընդհանուր խմբում, սակայն բժիշկները գոհ են նրա ապաքինման ընթացքից: Կարծում եմ, որ արդեն կիրակի Ալիսոնը կկարողանա մարզվել իր խաղընկերների կողքին»,- Կլոպի խոսքը մեջբերում է Sky Sports-ը:
Հիշեցնենք, որ ՖԻՖԱ-ի վարկածով տարվա լավագույն դարպասապահ Ալիսոն Բեքերը վնասվածք էր ստացել Պրեմիեր լիգայի առաջին տուրի՝ «Նորվիչի» հետ խաղում:
Հետևեք NEWS.am SPORT-ին Facebook-ում, Twitter և Telegram-ում