Կատալոնական «Բարսելոնայի» և Արգենտինայի ազգային հավաքականի հարձակվող Լիոնել Մեսին վնասվածքի պատճառով կարող է խաղադաշտ դուրս չգալ շուրջ 1 ամիս, հայտնում է El Chiriniguito-ն:
Ավելի վաղ տեղեկացրել էինք, որ Մեսիի մոտ ախտորոշվել է ձախ ազդրի առբերող մկանի ձգում, սակայն «Բարսելոնայի» մամուլի ծառայությունը չէր նշել, թե որքան ժամանակ կպահանջվի Մեսիի ապաքինման համար:
Մեսին ստիպված կլինի բաց թողնել Իսպանիայի առաջնությունում «Խետաֆեի», «Սևիլիայի» և «Էյբարի», իսկ Չեմպիոնների լիգայում՝ «Ինտերի» և «Սլավիայի» հետ հանդիպումները:
Հիշեցնենք, որ Մեսին վնասվածք էր ստացել Իսպանիայի առաջնության 6-րդ տուրի «Վիլյառեալի» հետ խաղում:
Հետևեք NEWS.am SPORT-ին Facebook-ում, Twitter և Telegram-ում