13:45  ,  23 սեպտեմբերի, 2019

Արգենտինացի Էկտոր Կուպերը լքեց Ուզբեկստանի հավաքականի գլխավոր մարզիչի պաշտոնը

Արգենտինացի Էկտոր Կուպերը հեռացել է ֆուտբոլի Ուզբեկստանի ազգային հավաքականի գլխավոր մարզիչի պաշտոնից։ Կողմերը փոխադարձ համաձայնությամբ են խզել պայմանագիրը, հաղորդում է Ուզբեկստանի ֆուտբոլային ասոցիացիայի կայքը։

Կուպերը կվերադառնա Արգենտինա։ 63-ամյա մարզիչը Ուզբեկստանի թիմը գլխավորում էր 2018թ․ օգոստոսից՝ կնքելով երեք տարվա պայմանագիր։

2019թ․ Ասիայի գավաթի խաղարկության 1/8 եզրափակիչում Ուզբեկստանը պարտվեց Ավստրալիային։ Այս ամիս թիմը աշխարհի առաջնության ընտրական մրցաշարի խաղում 0։2 հաշվով պարտվել է Պաղեստինի հավաքականին։

Կարիերայի ընթացքում նա գլխավորել է նաեւ Վրաստանի (2008-2009) եւ Եգիպտոսի (2015-2018) հավաքականները։

Հետևեք NEWS.am SPORT-ին Facebook-ում, Twitter և Telegram-ում