18:50  +04,  21 սեպտեմբերի, 2019

«Յուվենտուսը» ցանկանում է նոր պայմանագիր կնքել Իգուաինի հետ

Իտալիայի չեմպիոն «Յուվենտուսի» ղեկավարությունը գոհ է թիմի արգենտինացի հարձակվող Գոնսալո Իգուաինի խաղից, հայտնում է Calciomercato-ն:

«Յուվենտուսի» ղեկավարությունն առաջիկայում նոր՝ ավելի բարձր աշխատավորձով պայմանագիր կառաջարկի 31-ամյա հարձակվողին: Նոր պայմանագիրը նախատեսված կլինի 2 տարով:

Գոնսալո Իգուաինը «Յուվենտուս» է տեղափոխվել 2016 թվականին՝ «Նապոլիից»: 2018/19 մրցաշրջանի առաջին հատվածն արգենտինացի հարձակվողը վարձակալությամբ հանդես է եկել «Միլանում», իսկ երկրորդ հատվածը՝ «Չելսիում»:

Ավելի վաղ իտալական ԶԼՄ-ները հաղորդում էին, որ Իգուաինի ծառայություններով հետաքրքրված է «Ռոման»:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Այս թեմայով