20:14  +04,  17 սեպտեմբերի, 2019

«Բարսելոնան» նոր պայմանագիր կառաջարկի Ֆատիին

Կատալոնական «Բարսելոնայի» ղեկավարությունը ցանկանում է երկարաձգել ակումբի երիտասարդական թիմի ֆուտբոլիստ Անսումանե Ֆատիի պայմանագրի ժամկետը, հաղորդում է Sport.es-ը:

Նոր պայմանագրով «Բարսելոնան» 16-ամյա հարձակվողին կառաջարկի տարեկան 300 հազար եվրո աշխատավարձ, սակայն առաջին թիմ հրավիրվելու դեպքում՝ աշխատավարձը կհասնի տարեկան մինչև 1 միլիոն եվրոյի:

Հիշեցնենք, որ մեկնարկած մրցաշրջանում Ֆատին «Բարսելոնայի» առաջին թիմի կազմում մասնակցել է 3 հանդիպման՝ դառնալով 2 գոլի և 1 գոլային փոխանցման հեղինակ:

Ֆատիի պայմանագիրը «Բարսելոնայի» հետ նախատեսված է մինչև 2022 թվականի հունիս:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: