Ֆրանսիայի չեմպիոն ՊՍԺ-ի հարձակվող Կիլիան Մբապեն խոսել է Չեմպիոնների լիգայի խմբային փուլի առաջին տուրի՝ «Ռեալի» հետ սպասվող հանդիպման մասին:
«Հիմա արդեն պաշտոնապես կարող եմ հայտարարել, որ բժիշկների կողմից չեմ ստացել խաղալու թույլտվություն և չեմ կարող մասնակցել «Ռեալի» հետ հանդիպմանը և շատ տխուր եմ այդ կապակցությամբ:
Հանդիպմանը կհետևեմ տրիբունայից և կփորձեմ որպես երկրպագու օգտակար լինել ՊՍԺ-ին»,- Մբապեի խոսքը փոխանցում է L'Equipe-ն:
Կիլիան Մբապեն վնասվածք էր ստացել Ֆրանսիայի առաջնության երրորդ տուրի՝ «Թուլուզի» հետ խաղում:
ՊՍԺ - «Ռեալ Մադրիդ» հանդիպումը տեղի կունենա սեպտեմբերի 18-ին՝ Երևանի ժամանակով 23:00-ին:
Հետևեք NEWS.am SPORT-ին Facebook-ում, Twitter և Telegram-ում