13:30  ,  15 սեպտեմբերի, 2019

ԱԱ-2019․ Արթուր Ալեքսանյանը կիսաեզրափակիչում է

Ղազախստանում անցկացվող հունահռոմեական ըմբշամարտի աշխարհի առաջնությունում Հայաստանի հավաքականի առաջատար Արթուր Ալեքսանյանը նվաճեց կիսաեզրափակիչի ուղեգիր՝ ապահովելով նաեւ 2020թ․ Օլիմպիական խաղերի ուղեգիր։ Օլիմպիական խաղերի, աշխարհի ու Եվրոպայի չեմպիոնը քառորդ եզրափակիչում գոտեմարտեց իրանցի Աբդուլահ Սարավիի հետ եւ հաղթանակ տարավ 4։3 հաշվով։

97 կգ քաշայինների ֆավորիտը 1/8 եզրափակիչում գոտեմարտել էր թուրք Ջենք Իլդեմի հետ եւ առավելության հասել 4։2 հաշվով։

Երկրորդ գոտեմարտում օլիմպիական չեմպիոնը 10։0 հաշվով հաղթել էր Ֆինլանդիայի ներկայացուցիչ Կուոսմանենին։ 

Արթուր Ալեքսանյանը որակավորման փուլում մրցել էր Բելառուսի ներկայացուցիչ Ալեքսանդր Հրաբովիկի հետ եւ պարտության մատնել 5։0 հաշվով։

Աշխարհի առաջնության լուսաբանմանն աջակցում է Ucom-ը։

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English