Իսպանիայի չեմպիոն «Բարսելոնայի» գլխավոր մարզիչ Էռնեստո Վալվերդեն Իսպանիայի առաջնության 5-րդ տուրի՝ «Վալենսիայի» հետ խաղից առաջ խոսել է թիմի առաջատար Լիոնել Մեսիի առողջական վիճակի մասին:
«Մեսին շատ կարևոր ֆուտբոլիստ է թիմի համար, սակայն նրա առողջությունն ամենակարևորն է մեզ համար: Ռիսկի չենք դիմի: Հույս ունենանք, որ Մեսին կհասցնի լիովին ապաքինվել մինչև «Բորուսիայի» հետ հանդիպումը:
«Վալենսիան» բավականին բարդ մրցակից է և մեծ հավակնություններ ունի: Պետք է անենք ամեն ինչ, որպեսզի 3 միավոր վաստակենք այս խաղում»,- ակումբի մամուլի ծառայության հաղորդմամբ՝ ասել է Վալվերդեն:
«Բարսելոնան» «Վալենսիայի» հետ կմրցի սեպտեմբերի 14-ին՝ Երևանի ժամանակով 23:00-ին:
Հետևեք NEWS.am SPORT-ին Facebook-ում, Twitter և Telegram-ում