Ամերիկյան «Դի Սի Յունայթեդի» անգլիացի հարձակվող Ուեյն Ռունին վստահ է, որ Անգլիայի հավաքականի 10 տարի առաջ ունեցած կազմով կհասներ մեծ նվաճումների, եթե թիմի գլխավոր մարզիչը լիներ կատալոնացի Խոսեպ Գվարդիոլան:
«10 տարի առաջ Անգլիայի հավաքականն ուներ լավագույն կազմը ֆուտբոլի պատմության մեջ: Մեր թիմում էին Ֆերդինանդը, Թերին, Քոուլը, Ջերարդը, Սքոուլզը, Լեմպարդը, Բեքհեմը, Օուենը, ես: Եթե այն ժամանակ մեզ մարզեր Գվարդիոլան, մենք կնվաճեինք աշխարհի ու Եվրոպայի չեմպիոնի տիտղոսները: Ես ոչ մի կասկած չունեմ»,- 33-ամյա Ռունիի խոսքը մեջբերում է Goal.com-ը:
Ռունին Անգլիայի հավաքականում հանդես է եկել 2003-2018 թվականներին, անցկացրել է 120 հանդիպում, խփել 53 գոլ:
Հետևեք NEWS.am SPORT-ին Facebook-ում, Twitter և Telegram-ում