Լոնդոնի «Չելսիի» և Իսպանիայի ազգային հավաքականի կենտրոնական պաշտպան Սեզար Ասպիլիկուետան խոսել է թիմի նախկին ավագ Գարի Կեհիլի բացակայության մասին:
«Կեհիլը «Չելսիի» ավագն էր և օգնում էր թիմին նույնիսկ այն ժամանակ, երբ խաղադաշտում չէր: Նրա ներկայությունը շատ բան էր տալիս ինձ:
Նախորդ մրցաշրջանում մի քանի խաղերում եղել եմ «Չելսիի» ավագը, սակայն հիմա, երբ ես պաշտոնապես թիմի ավագն եմ, մեծ պարտավորվածություն եմ զգում: Հպարտ եմ, որ կրում եմ ավագի թևկապը և ամեն ինչ կանեմ, որպեսզի օգտակար լինեմ ակումբին»,- «Չելսիի» մամուլի ծառայության հաղորդմամբ՝ ասել է 30-ամյա պաշտպանը:
Սեզար Ասպիլիկուետան «Չելսիում» հանդես է գալիս 2012 թվականից: Ակումբի կազմում իսպանացի պաշտպանը մասնակցել է 239 պաշտոնական հանդիպման:
Հիշեցնենք, որ «Չելսիի» նախկին ավագ Գարի Կեհիլն ամռանը պայմանագիր կնքեց «Քրիսթալ Փելասի» հետ:
Հետևեք NEWS.am SPORT-ին Facebook-ում, Twitter և Telegram-ում