Խառը մենամարտերի թեթեւ քաշային կարգում UFC-ի չեմպիոն, ռուսաստանցի Խաբիբ Նուրմագոմեդովը խոսել է սեպտեմբերի 7-ին տեղի ունեցած մենամարտում իր մրցակից, ամերիկացի Դասթին Պուարյեի մասին:
«Պուարյեն ֆիզիկապես շատ ամուր մարզիկ է: Նրա դեմ շատ դժվար է մենամարտելը: Ես մանրամասն ուսումնասիրել էի նրա մենամարտերը և գիտեի՝ ինչպես պետք է հասնեմ հաղթանակի:
Պուարյեն շատ ավելի հզոր մրցակից էր, քան Մաքգրեգորը»,- Նուրմագոմեդովի խոսքը մեջբերում է РИА Новости-ն:
Հիշեցնենք, որ սեպտեմբերի 7-ին տեղի ունեցած մենամարտում Խաբիբ Նուրմագոմեդովը հաղթեց Դասթին Պուարյեին՝ պաշտպանելով UFC-ի չեմպիոնի տիտղոսը:
Նախորդ տարվա հոկտեմբերին Նուրմագոմեդովը հաղթանակ էր տարել նաև UFC-ի նախկին չեմպիոն Քոնոր Մաքգրեգորի հետ մենամարտում:
Հետևեք NEWS.am SPORT-ին Facebook-ում, Twitter և Telegram-ում