Red Eagles ֆան շարժման հիմնադիր Դենիս Սարգսյանին եւ ֆան շարժման երկրպագուական թմբուկն ու շարժման գերբը Վազգեն Սարգսյանի անվան «Հանրապետական» ստադիոնի անվտանգության աշխատակիցներն ու ՀՖՖ ներկայացուցիչը թույլ չտվեցին ներս մտցնել:
Red Eagles Ֆան շարժումը Հայաստան-Իտալիա խաղից առաջ երթ էր կազմակերպել Հանրապետության հրապարակից դեպի ստադիոն: Ստադիոնի մուտքի մոտ ֆան շարժման անդամները կարմիր ճայտրուկ վառեցին եւ պաստառներ պարզեցին: ՀՖՖ ներկայացուցիչը արգելեց պաստառներն ու թմբուկը ներս մտցնել: Այդ ընթացքում մարզադաշտ եկան նաեւ ՖԱՖ շարժման անդամները եւ առանց որեւէ խնդրի թմբուկով, պաստառներով մուտք գործեցին ներս:
Red Eagles շարժման անդամներին վրդովեցրեց ՀՖՖ ներկայացուցիչի եւ անվանգության աշխատակիցների կողմնակալ վերաբերմունքը: Ստադիոն չկարողացավ մտնել ֆան շարժման հիմնադիր Դենիս Սարգսյանը: Ըստ ՀՖՖ ներկայացուցիչի, ֆան շարժման հիմնադիրը հատուկ զգուշացում եւ նկատողություն ունի ֆեդերացիայի կողմից:
Հայաստան – Իտալիա հանդիպումը կմեկնարկի 20։00-ին
Լուսինե Շահբազյան
Հետևեք NEWS.am SPORT-ին Facebook-ում, Twitter և Telegram-ում