Խառը մենամարտերի թեթեւ քաշային կարգում UFC-ի չեմպիոն Խաբիբ Նուրմագոմեդովը մեծ կարևորություն է տալիս մարզիկի անպարտելիության հանգամանքին:
«Եթե մարզիկը հաղթել է 1 մրցաշարում, հետո՝ պարտվել մյուսում, ապա կրկին՝ հաղթել, նա չի կարող մեծ մարզիկ համարվել: Մեծ մարզիկը պետք է երկար ժամանակ լինի անպարտելի կամ ընդհանրապես պարտություն չունենա:
Գոհ եմ այն քաշային կարգից, որում հանդես եմ գալիս: Չեմ ցանկանում մրցել ավելի ծանր քաշային մարզիկների հետ»,- Նուրմագոմեդովի խոսքը փոխանցում է MMA Junkie-ն:
Պրոֆեսիոնալ կարիերայում Խաբիբ Նուրմագոմեդովն անցկացրել է 27 մենամարտ և չի կրել ոչ մի պարտություն:
Հետևեք NEWS.am SPORT-ին Facebook-ում, Twitter և Telegram-ում