Իսպանիայի առաջնության երրորդ տուրում չեմպիոն «Բարսելոնան» Պամպլոմայում մրցում էր «Օսասունայի» հետ: Հանդիպումն ավարտվեց ոչ ոքի՝ 2:2 հաշվով:
«Օսասունան» առաջինը հասավ հաջողության. 7-րդ րոպեին իսպանացի կիսապաշտպան Ռոբերտո Տորեսը բացեց խաղի հաշիվը: Փոխարինման դուրս եկած ֆրանսիացի հարձակվող Անսումանե Ֆատին 54-րդ րոպեին հավասարեցրեց հաշիվը: 64-րդ րոպեին բրազիլացի կիսապաշտպան Արթուր Ռամոսը առաջ մղեց Իսպանիայի չեմպիոնին, սակայն 81-րդ րոպեին Ժերար Պիկեի ձեռքով խաղից հետո նշանակված 11 մետրանոց հարվածը դիպուկ իրացրեց Ռոբերտո Տորեսը՝ դուբլ ձևակերպելով:
«Բարսելոնան» երրորդ տուրից հետո ունի 4 միավոր և այժմ զբաղեցնում է մրցաշարային աղյուսակի 10-րդ տեղը:
Իսպանիայի առաջնություն, երրորդ տուր
«Օսասունա» - «Բարսելոնա»՝ 2:2
Ռոբերտո Տորես, 7, 81 - Անսու Ֆատի, 54, Արթուր Ռամոս, 64
Հետևեք NEWS.am SPORT-ին Facebook-ում, Twitter և Telegram-ում