«Բարսելոնայի» առաջատար Լիոնել Մեսին ջերմորեն շնորհավորել է կիսապաշտպան Անսու Ֆատիին՝ կատալոնական ակումբի գլխավոր թիմում նորամուտը նշելու առթիվ։
Մեսին վնասվածքի պատճառով չէր մասնակցում Իսպանիայի առաջնության երկրորդ տուրի՝ «Բետիսի» դեմ խաղին (5։2)։
Գվինեա Բիսաուն ներկայացնող 16-ամյա Ֆատին դարձավ «Բարսելոնայի» պատմության մեջ երկրորդ ամենաերիտասարդ ֆուտբոլիստը։ Նորամուտի օրը նա 16 տարեկան 300 օրական էր։ Ռեկորդին չհերիքեց երկու օր։
«Բարսելոնայում» նորամուտը նշած ամենաերիտասարդ ֆուտբոլիստը եղել է Վիսենտե Մարտինեսը, որը 1941-1942 թվականների մրցաշրջանում առաջին անգամ գլխավոր թիմում խաղացել է 16 տարեկան 298 օրականում։
Ֆատին «Բարսելոնայի» ակադեմիայի սան է։ Այս ամռանը նա կնքել է 3 տարվա պայմանագիր։
Հետևեք NEWS.am SPORT-ին Facebook-ում, Twitter և Telegram-ում