Անչելոտի. Այժմ «Նապոլին» հզոր կազմ ունի

Իտալական «Նապոլիի» գլխավոր մարզիչ Կառլո Անչելոտին խոսել է տրանսֆերային պատուհանի ընթացքում ակումբի ունեցած ձեռքբերումների մասին:

«Շատ գոհ եմ այն աշխատանքից, որ «Նապոլին» կատարեց տրանսֆերային պատուհանի ընթացքում: Ակումբը շատ գումար ծախսեց նոր ֆուտբոլիստների վրա, և այժմ «Նապոլին» մրցունակ թիմ է՝ մեծ հավակնություններով:

Մեր վերջին ձեռքբերումը Լոսանոն է, որի խաղին մենք հետևում էինք երկար ժամանակ: Այս տրանսֆերն իրականացնելը մեծ աշխատանք պահանջեց ակումբից»,- Անչելոտիի խոսքը մեջբերում է AS-ը:

Հիշեցնենք, որ 21-ամյա Լոսանոն «Նապոլի» տեղափոխվեց հոլանդական ՊՍՎ-ից: Իտալական ակումբը մեքսիկացի կիսապաշտպանի դիմաց վճարել է 38 միլիոն եվրո:

Հետևեք NEWS.am SPORT-ին Facebook-ում, Twitter և Telegram-ում