Անգլիական «Տոտենհեմի» գլխավոր մարզիչ Մաուրիսիո Պոչետինոն խոսել է ընթացիկ մրցաշրջանում իր գլխավորած թիմի հավակնությունների մասին:
«Նախորդ մրցաշրջանը հաջողված եմ համարում «Տոտենհեմի» համար: Այս մրցաշրջանում պետք է կարողանանք կայուն խաղ ցուցադրել, որպեսզի պայքարենք գավաթների համար:
Պետք է աշխատենք, որպեսզի շտկենք մեր խաղում առկա թերությունները: Կազմում ունենք նորեկներ, որոնք հնարավորինս շուտ պետք է ընտելանան «Տոտենհեմի» խաղին»,- Sky Sports-ի հաղորդմամբ՝ ասել է 47-ամյա մասնագետը:
Հիշեցնենք, որ նախորդ մրցաշրջանում «Տոտենհեմը» դարձավ Չեմպիոնների լիգայի փոխչեմպիոն, իսկ Անգլիայի առաջնությունում գրավեց չորրորդ տեղը:
Հետևեք NEWS.am SPORT-ին Facebook-ում, Twitter և Telegram-ում