16:39  ,  23 օգոստոսի, 2019

Սուլշեր․ Պոգբայի եւ Ռեշֆորդի միջեւ մրցակցություն չկա

Ֆրանսիացի կիսապաշտպան Պոլ Պոգբան կշարունակի իրացնել 11 մետրանոցներ, հայտարարել է «Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը։

«Մեր խաղում ոչինչ չի փոխվել, Ռեշֆորդն ու Պոգբան շարունակում են մնալ 11 մետրանոցի հաստիքային իրացնող։ Պոգբան չի զրկվի այդ կարգավիճակից։ Նա կշարունակի իրացնել, բայց խոսքը հաջորդ խաղի մասին չէ։

Պոգբայի եւ Ռեշֆորդի միջեւ մրցակցություն չկա։ Չզարմանաք, եթե Մարկուսը կամ Պոլը հաջորդ անգամ էլ մոտենան հարված իրացնելու։ Նրանք պարտադիր կանեն դա»,- Սուլշերի խոսքը մեջբերում է BBC-ն։

Հիշեցնենք, որ Անգլիայի առաջնության երկրորդ տուրում «Մանչեսթեր Յունայթեդը» 1։1 հաշվով խաղաց «Վուլվերհեմփթոնի» հետ։ Պոգբան թույլ չտվեց Ռեշֆորդին իրացնել 11 մետրանոցը, որը նա ձախողեց։

Հետևեք NEWS.am SPORT-ին Facebook-ում, Twitter և Telegram-ում