Կատալոնական «Բարսելոնայի» ղեկավարությունը շարունակում է բանակցություններ վարել ֆրանսիական ՊՍԺ-ի հետ թիմի բրազիլացի հարձակվող Նեյմար Ժունիորի տեղափոխության շուրջ:
ESPN-ի հաղորդմամբ՝ ընթացիկ մրցաշրջանում 27-ամյա հարձակվողին վարձակալելու համար «Բարսելոնան» առաջարկել է ՊՍԺ-ին 40 միլիոն եվրո, իսկ մրցաշրջանի ավարտին ֆուտբոլիստի տրանսֆերային իրավունքը ձեռք բերելու համար՝ 150 միլիոն եվրո: ՊՍԺ-ն մերժել է Իսպանիայի չեմպիոնի առաջարկը: Ֆրանսիական ակումբի ղեկավարությունը պահանջում է, որ Նեյմարի վաճառքից ստացված ընդհանուր գումարը կազմի 200 միլիոն եվրո՝ «Բարսելոնայի» առաջարկած 190 միլիոն եվրոյի փոխարեն:
Սպասվում է, որ մինչև օգոստոսի 25-ը կողմերը վերջնական համաձայնության կգան գործարքի ֆինանսական կողմի վերաբերյալ և Նեյմարն արդեն հաջորդ շաբաթվա սկզբին բուժզննում կանցնի «Բարսելոնայում»:
Իսպանական մեկ այլ պարբերականի՝ El Mundo Deportivo-ի հաղորդմամբ՝ «Բարսելոնան» արդեն պատրաստվում է Նեյմարի ընդունելությանը: Ակումբը պրոմո-հոլովակ է պատրաստել Նեյմարի վերադարձի կապակցությամբ, նաև Նեյմարի անունով մեծ քանակության համազգեստ է պատվիրել ակումբի հովանավոր Nike ընկերությունից:
Հետևեք NEWS.am SPORT-ին Facebook-ում, Twitter և Telegram-ում
14:14 , 19 ապրիլի 
13:44 , 19 ապրիլի 
13:15 , 19 ապրիլի 
12:50 , 19 ապրիլի 
12:14 , 19 ապրիլի 
11:40 , 19 ապրիլի 
11:09 , 19 ապրիլի 
10:43 , 19 ապրիլի 
10:12 , 19 ապրիլի 
09:42 , 19 ապրիլի 
