Իկեր Կասիլյասը հույս ունի խաղադաշտ վերադառնալ ձմռանը

Պորտուգալական «Պորտուի» դարպասապահ Իկեր Կասիլյասը չի ցանկանում ավարտել կարիերան եւ հույս ունի խաղադաշտ վերադառնալ ձմռանը, հաղորդում է պորտուգալական A Bola-ն։ Իսպանացի խաղացողը բուժհետազոտում կանցնի դեկտեմբերին։ Դրա արդյունքների հիման վրա էլ կընդունվի որոշում։

38-ամյա Կասիլյասը մայիսին սրտի կաթված ստանալուց եւ վիրահատվելուց հետո հայտարարել էր, որ վարչական պաշտոն կզբաղեցնի «Պորտուում»։ Սակայն նա չէր հայտարարել ֆուտբոլիստի կարիերան ավարտելու մասին։ Կասիլյասը դեռ մեկ տարվա պայմանագիր ունի «Պորտուի» հետ, որը ներկայացնում է 2015 թվականից։

Դրանից առաջ նա խաղացել է Մադրիդի «Ռեալում»՝ դառնալով Իսպանիայի հնգակի չեմպիոն, կրկնակի գավաթակիր, քառակի սուպերգավաթակիր, Չեմպիոնների լիգայի եռակի հաղթող, Եվրոպայի կրկնակի սուպերգավաթակիր եւ աշխարհի ակումբային չեմպիոն։ Լեգենդար դարպասապահը Իսպանիայի հավաքականում դարձել է 2010-ի աշխարհի չեմպիոն, 2008, 2012-ի Եվրոպայի չեմպիոն։

Հետևեք NEWS.am SPORT-ին Facebook-ում, Twitter և Telegram-ում