Անգլիայի չեմպիոն «Մանչեսթեր Սիթիի» գլխավոր մարզիչ Խոսեպ Գվարդիոլան Պրեմիեր լիգայի երկրորդ տուրի՝ «Տոտենհեմի» հետ խաղից հետո խոսել է VAR համակարգը բարեփոխելու անհրաժեշտության և իր թիմի ցուցադրած խաղի մասին:
«Ես գոհ եմ «Մանչեսթեր Սիթիի» խաղից: Իմ ֆուտբոլիստներն ամեն ինչ արեցին հաղթելու համար, սակայն սա է ֆուտբոլը: Կարծում եմ, որ մեր խաղից գոհ են նաև ակումբի երկրպագուները:
VAR համակարգն անհրաժեշտ է բարեփոխել: Կարծում էի, որ այլևս չեմ անդրադառնա այս խնդրին, սակայն դա այդպես չէ»,- Գվարդիոլայի խոսքը մեջբերում է BBC-ն:
«Մանչեսթեր Սիթի» - «Տոտենհեմ» հանդիպումն ավարտվեց ոչ-ոքի՝ 2:2 հաշվով: Հանդիպման ավելացված ժամանակում Անգլիայի չեմպիոնի հարձակվող Գաբրիել Ժեզուսը գրավեց «Տոտենհեմի» դարպասը, սակայն մրցավարները չեղարկեցին գոլը:
Հետևեք NEWS.am SPORT-ին Facebook-ում, Twitter և Telegram-ում