Լեւոն Արոնյանը երրորդ պարտիայում եւս հաղթեց ադրբեջանցի Շաքրիյար Մամեդյարովին

Հայկական շախմատի առաջատար Լեւոն Արոնյանը երրորդ հաղթանակը տարավ ադրբեջանցի Շաքրիյար Մամեդյարովի նկատմամբ Սենթ Լուիսի մրցաշարում (St. Louis Rapid & Blitz)։

Արագ շախմատի մրցաշարում Մամեդյարովին սեւ ֆիգուրներով հաղթելուց հետո Արոնյանը նրան սեւերով հաղթել էր նաեւ կայծակնային խաղի մրցաշարի առաջին շրջանում։

Երկրորդ շրջանում եւս Արոնյանն ուժեղ էր Մամեդյարովից, որն այս անգամ խաղաց սեւերով։

Կայծակնային խաղի մրցաշարի երկրորդ օրը Արոնյանն արդեն անցկացրել է երեք պարտիա։ Նա նաեւ սպիտակներով պարտվել է ռուսասատնցի Սերգեյ Կարյակինին, սեւերով հաղթել չինացի Դին Լիրենին։ Այժմ Արոնյանը ֆրանսիացի Մաքսիմ Վաշյե Լագրավի հետ կիսում է առաջին տեղը՝ 19-ական միավոր։

Մրցաշարի ավարտին մնացել է 6 տուր։

Հետևեք NEWS.am SPORT-ին Facebook-ում, Twitter և Telegram-ում