12:10  ,  14 օգոստոսի, 2019

Դե Ռոսին «Բոկա Խունիորսում» գոլ է խփել նորամուտի խաղում

Իտալացի կիսապաշտպան Դանիելե Դե Ռոսին գոլի հեղինակ է դարձել «Բոկա Խունիորսում» անցկացրած առաջին խաղում։

Արգենտինայի գավաթի խաղարկության 1/16 եզրափակիչում «Բոկա Խունիորսը» մրցել է «Ալմագրոյի» հետ։ «Բոկա Խունիորսը» Դե Ռոսիի գոլից հետո չի կարողացել զարգացնել հաջողությունը եւ 82-րդ րոպեին գոլ է բաց թողել։

Հետխաղյա 11 մետրանոցներով հաղթել է «Ալմագրոն»՝ 3։1։ «Բոկա Խունիորսից» միայն Կարլոս Տեւեսն է արդյունավետ իրացրել 11 մետրանոցը։

36-ամյա Դե Ռոսին 17 տարի «Ռոմայում» անցկացնելուց հետո հուլիսին է ազատ գործակալի կարգավիճակում միացել «Բոկա Խունիորսին»։

Հետևեք NEWS.am SPORT-ին Facebook-ում, Twitter և Telegram-ում