Ֆրանսիական ՊՍԺ-ի և Բրազիլիայի ազգային հավաքականի հարձակվող Նեյմարի շուրջ ստեղծված իրավիճակը դեռևս հանգուցալուծում չի ստանում:
Իսպանական Sport-ի հաղորդմամբ՝ ՊՍԺ-ի ղեկավարությունն առաջարկել է «Մանչեսթեր Յունայթեդին» 180 միլիոն եվրոյով ձեռք բերել Նեյմարի տրանսֆերը, սակայն Ուլե-Գունար Սուլշերի թիմը հրաժարվել է բանակցություններից:
Ֆրանսիական ակումբում հույս ունեն Նեյմարի տեղափոխության հարցը լուծել մինչեւ Ֆրանսիայի առաջնության մեկնարկը: 27-ամյա հարձակվողը ցանկանում է տեղափոխվել միայն իր նախկին ակումբ՝ «Բարսելոնա», սակայն ՊՍԺ-ն հրաժարվում է բանակցել Իսպանիայի չեմպիոնի հետ:
Հիշեցնենք, որ Նեյմարը «Բարսելոնայից» ՊՍԺ է տեղափոխվել 2017 թվականի ամռանը: Ֆրանսիական ակումբը բրազիլացի հարձակվողի տեղափոխության դիմաց վճարել է 222 միլիոն եվրո:
Հետևեք NEWS.am SPORT-ին Facebook-ում, Twitter և Telegram-ում