21:22  ,  29 հուլիսի, 2019

Խամես Ռոդրիգեսը չի հեռանա «Ռեալից» (ֆոտո)

Մադրիդի «Ռեալի» և Կոլումբիայի ազգային հավաքականի կիսապաշտպան Խամես Ռոդրիգեսն ընթացիկ տրանսֆերային պատուհանի ժամանակ չի հեռանա Արքայական ակումբից, հաղորդում է AS-ը: Ֆուտբոլիստն այժմ մարզվում է Արքայական ակումբում։

Աղբյուրը նշում է, որ Զինեդին Զիդանի ծրագրերը փոխվել են այն բանից հետո, երբ ծանր վնասվածք ստացավ թիմի կիսապաշտպան Մարկո Ասենսիոն: Ակումբում արդեն տեղեկացրել են Խամեսին, որ ընթացիկ ամռանը նրա տրանսֆերը չի վաճառվելու:

Հիշեցնենք, որ 28-ամյա կիսապաշտպանի տեղափոխությամբ հետաքրքրված են իտալական «Նապոլին» ու Մադրիդի «Աթլետիկոն»:

Խամես Ռոդրիգեսը «Ռեալ» է տեղափոխվել 2014 թվականին «Մոնակոյից»: Արքայական ակումբը կոլումբացի կիսապաշտպանի տեղափոխության դիմաց վճարել է շուրջ 80 միլիոն եվրո:

Հետևեք NEWS.am SPORT-ին Facebook-ում, Twitter և Telegram-ում


  • Լրահոս