Անգլիական «Էվերտոնը» պաշտոնական առաջարկով դիմել է «Քրիսթալ Փելասին»՝ 26-ամյա կոտդիվուարցի հարձակվող Ուիլֆրիդ Զահայի տրանսֆերի ձեռքբերման նպատակով:
Sky Sports-ի հաղորդմամբ՝ պորտուգալացի Մարկո Սիլվայի գլխավորած ակումբը Զահայի ձեռքբերման նպատակով պատրաստ է վճարել 60 միլիոն եվրո կամ գործարքում ընդգրկել թիմի ֆուտբոլիստներից մեկին:
Ավելի վաղ հայտնի էր դարձել, որ «Քրիսթալ Փելասը» պատրաստ է հրաժարվել Զահայի ծառայություններից 100 միլիոն եվրոյից ոչ պակաս գումարի դիմաց:
Ուիլֆրիդ Զահան Պրեմիեր լիգայի նախորդ մրցաշրջանում մասնակցել է 34 հանդիպման և դարձել 10 գոլի ու 10 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում