Ճապոնիայի վարչապետ Սինձո Աբեն ընդունել է գեղասահքի աշխարհի եւ օլիմպիական չեմպիոնուհի Ալիգա Զագիտովային։ Երկու տարի առաջ Ակիտա պրեֆեկտուրայի իշխանություններն ու Ճապոնիայի վարչապետն անձամբ Զագիտովային նվիրել էիքն ակիտա-ինու ցեղատեսակի Մասարու շուն։
«Շատ ուրախ եմ ընդունել ձեզ իմ նստավայրում։ Ցանկանում եմ շնորհավորել գեղասահքում ունեցած հաջողությունների առթիվ։ Նաեւ ինձ հաճելի է հետեւել՝ ինչպես է մեծանում Մասարուն։ Պրեֆեկտուրայի բնակիչներն անհամբեր սպասում են՝ երբ դուք Մասարուի հետ կկարողանաք այցելել նրա պատմական հայրենիք»,- ասել է Սինձո Աբեն։
Զագիտովան շնորհակալություն է հայտնել Աբեին հրավերի համար, սակայն նշել է, որ Մասարուն վատ է տանում թռիչքները եւ խնդրել է թույլ տալ շանը մտցնել ինքնաթիռի սրահ։ Վարչապետը խոստացել է խոսել այդ թեմայով գործընկերների հետ։
Զագիտովան Աբեին նվիրել է ակիտա-ինուի փափուկ խաղալիք։
《総理の動き》本日(7月24日)安倍総理は官邸でアリーナ・ザギトワ選手による表敬を受けました。https://t.co/bvjfpYv43j pic.twitter.com/Ait5XeM2iZ
— 首相官邸 (@kantei) July 24, 2019
Հետևեք NEWS.am SPORT-ին Facebook-ում, Twitter և Telegram-ում