«Լիվերպուլի», «Մանչեսթեր Յունայթեդի» եւ Անգլիայի հավաքականի նախկին խաղացող Փոլ Ինսը Մադրիդի «Ռեալի» ուելսցի հարձակվող Գարեթ Բեյլին հորդորել է տեղափոխվել լիվերպուլյան ակումբ։
«Ես կարծում եմ, որ եթե «Լիվերպուլը» կարողանա թույլ տալ իրեն Բեյլի տրանսֆերը, ապա նա պետք է ընդունի առաջարկը։ Սալահը, Ֆիրմինոն ու Մանեն քիչ են հանգստացել ամռանը։ Բեյլը կարող է խաղալ, աջից, ձախից կամ կենտրոնում։ Եթե ես փնտրեի կարիերայիս նոր թափ տալու համար ակումբ, կընտրեի «Լիվերպուլը»։ Բեյլին անհրաժեշտ է դարձյալ խաղալ ամեն շաբաթ։
Նա ստիպված կլինի համաձայնել աշխատավարձի զգալի նվազման, բայց Բեյլին հիմա անհրաժեշտ է հաղթող թիմ։ «Լիվերպուլը» հաջորդ մրցաշրջանում դարձյալ կպայքարի Պրեմյեր լիգայի տիտղոսի համար։ Բեյլը կատարյալ տարբերակ է Կլոպի գլխավորած թիմի համար»,- 51-ամյա Փոլ Ինսի խոսքը մեջբերում է BBC-ն։
«Ռեալի» ֆրանսիացի գլխավոր մարզիչ Զինեդին Զիդանը հայտարարել էր, որ բոլորի համար լավ կլինի Բեյլի հեռանալը թիմից։
Բեյլի ծառայություններով հետաքրքրված են չինական «Ցզյանսու Սունին» եւ «Շանհայ Շենհուա» թիմերը, որոնք պատրաստ են 30-ամյա ֆուտբոլիստին վճարել տարեկան 17 միլիոն եվրո։ Արքայական ակումբում Բեյլի աշխատավարձն այդքան է։
Հետևեք NEWS.am SPORT-ին Facebook-ում, Twitter և Telegram-ում
23:09 , 23 ապրիլի 
22:35 , 23 ապրիլի 
22:11 , 23 ապրիլի 
21:39 , 23 ապրիլի 
20:56 , 23 ապրիլի 
20:33 , 23 ապրիլի 
20:02 , 23 ապրիլի 
19:23 , 23 ապրիլի 
19:03 , 23 ապրիլի 
18:50 , 23 ապրիլի 
